في هذة المقاله اجاب الاستاذ يحيي رضوان المستشار و المحامي القانوني عن أهــم 17 سؤال حول التهديد و الابتزاز بالصور

التهديد و الابتزاز بالصور

السؤال الأول : ما هو الدليل الذي أحتاجه علشان اثبت جريمة التهديد و الابتزاز بالصور؟

الإجابة المحادثات اللي فيها عبارات التهديد و الابتزاز بالصور كفاية بس لازم تخلي أصل المحادثات ومتمسحهاش

السؤال الثاني : لو سجلت له مكالمات علشان اثبت التهديد و الابتزاز بالصور هل دي جريمة؟

الإجابة لا مش جريمة
وتسجيل المكالمات ده هعمل عنه فيديو لوحده علشان أوضح الأخطاء الشائعة عنه

السؤال الثالث : طيب لو بيمسح المحادثات هعمل إيه؟واثبت حق إزاي؟

الإجابة هعمل برضو فيديو مخصوص على الموضوع ده وتتصرف إزاي في الحالة دي؟

السؤال الرابع : لو أنا بعت الصور بكامل إرادتي أو صورنا و إحنا مع بعض هل كده مليش حق أعمل محضر؟

الإجابة اه من حقك لان مش عشان غلطتي مرة يفضل سالب حريتك ويخليك تسمع كلامه في الغلط طول العمر

السؤال الخامس : أعمل محضر في مباحث الاتصالات ولا قسم الشرطة ولا مباحث الانترنت وإيه الفرق بينهم؟

الإجابة لو تعرف الشخص ده فى الواقع بره الانترنت وتعرف بيته وعنوانه يبقي تعمل محضر في (قــسم الـــــــشرطة)
طيب لو ما تعرفوش وتعرفوا عن (الانترنت) بس لو الجريمة وقعت على الانترنت على فيسبوك أو واتساب أو حاجة على الانترنت تعمل محضر في (مـــباحث الانتـــرنت) اللي مقراها في مديريات الأمن في كل محافظة
لو الجريمة على خط الموبايل كانت مكالمات أو رسائل نصية على الخط يبقى كده محضر في مباحث الاتصــالات [التليفونات ] وبرضو تســجل المكــالمة عادي زي ما قلنا لو الجريمة على المكالمات عشان تعرف تثبت حقك

السؤال السادس : اللى بيهــددني مقيم بره مصـــر؟

الإجابة بنعمل محضر له عادي وبياخد حكم وبنعمل ترقب وصول له في المطار

السؤال السابع : هياخد حكم قد إيه؟

الإجابة متوسط 3 سنـــين سجن مع الشغل عشان بيوجه ليه مجموعة اتهامات مش اتهام بالتهديد فقط وهنزل صورة فيها مجموعة اتهامات اللي بتوجه ليها

اقرا ايضا عن ما هي عقوبة التهديد بالصور بالتفصيل

السؤال الثامن : لو عبارات التهديد مش صريحة؟

الإجابة لو مجرد تلميح بالتهديــد يعتبر تهديد ده بنص القانون

السؤال التاسع : لو هــدد ولم ينفذ تهديده؟

الإجابة ما هي جريمة التهديد كده انه هو لم ينفذ تهديده بعد وتهديد فقط طيب لو نفذ تهديده بياخد برضو نفس الاتهامات اللي وضحتها لكم من شويه وبيزيد عليها اتهام التشهير

السؤال العاشر : هل أقدر أطلب تعويض؟

الإجابة آه طبعا بنطلب تعويض لك كبير جدا كمان

السؤال الحادى عشر: هل المحضر بياخد وقت لحد ما يتحكم عليه؟

الإجابة الحقيقة آه بس احنا لدينا طرق بنحاول نتعامل مع اللي بيهددك لحد ما ياخد الحكم عشان نوقف التهديد وهما طرق كتير جدا لكل واحد طريقه بتنفع معاه وبتنجح بنسبة كبيره

السؤال الثانى عشر : هل نقدر نتفاوض مع ال بيهدد بدون المحضر؟

الإجابة آه نقدر بس الموضوع مكلف شوية لإننا بنجمع تفاصيل كتير الأول عنه قبل وضع الخطة وفيه لوءات شرطة سابقين بيشرفو علي ده بنفسهم

السؤال الثالث عشر : هل المحاضر دي سرية؟

الإجابة طبعا ومحدش يقدر يطلع عليها إلا لو معه توكيل منك ومعه رقم المحضر وكل تفاصيله وجلسات المحاكمه برضو سرية

السؤال الرابع عشر : هل هينزل على جهاز الشرطة على اسمي اني عملت محضر؟

الإجابة لا طبعا اللي بينزل على اسمه هو المتهم علشان الشرطه تقدر تقبض عليه وعلشان لو عمل اي جريمه تاني يعرفو السوابق بتاعته مش المجني عليه

السؤال الخامس عشر : هل المحضر ممكن يتحفظ؟

الإجابة ده نادر جدا وبيكون فيه قضايا السب والقذف والمحاضر الخفيفة لكن في التهديد عمره ما يتحفظ وحتى في المحاضر الخفيفة لما يتحفظ بنرجعه يتعرض تاني قدام النيابه ونخليه يتفتح تاني

السؤال السادس عشر : من سن كم أقدر أعمل محضر؟

الإجابة العبرة مش سن كم تقدر تعمل محضر العبرة سن كم تقدر تعمل لنا توكيل عشان نتابع لك المحضر ونخليك متتحركش من مكانك هو 21 سنة لكن إذا كان على تحرير المحضر ممكن حتى لو مكملتش 21 سنه تقدر تعمل محضر عادي

السؤال السابع عشر : هل هقعد اروح كتير عشان اتابع المحضر ؟

الإجابة مش هنحتاج منك غير توكيل وتروح مره واحده مع حد من هيئة المكتب أثناء تحرير المحضر ثم الباقي احنا ال بنتابع بالنيابة عنك كل حاجه لحد ما ياخد حكم ونجيبلك تعويض باذن الله